نوسه وحماتها ورجل المستحيل وآخرون

ادهم صبرى * (يبتسم ابتسامه ساخره ): اهلا اهلا يانوسه .... ياريت بقى متكونيش بيغمى عليكى كل شويه ولا حد يخطفك .. دى كانت هواية ( منى ) الاساسيه

نوسه (فى خجل ): عيب عليك يامان .. احنا نعجبك اوى

ادهم : فل ياقمر

نوسه: ممكن اسألك سؤال ياسيادة الرائد

ادهم : رائد ايه يابنتى ؟ انتى اخر قصه قرياها رقم كام؟

نوسه : معلش ياافندم العتب ع النظر

المهم

هو انت - احم - مبتفكرش فى الارتباط ؟

ادهم : علطول كده .. دى اول قصه تبقى معايا فيها

.دى( منى ) بقالها فوق ال 150 قصه وزياده يابنتى ومتخطبناش حتى

وكمان اتجوزت (سونيا ) وسبتها

بنات اخر زمن متسربعين ع الجواز

نوسه ( فى ازبهلال ) : هو انت الفاظك بقت بيئه كده ليه ياادهم ؟ فين رومانسيتك

ثم انى مخطوبه اصلا..الحق عليا كنت هجيبلك عروسه

وفجأه يتحول وجه (ادهم ) الى وجه (كونداليزا رايسسسسس)و

تصرخ ( نوسه) فى جزع قائله :كونداليزا.. انتى كنتى متنكره فى شخصية ادهم ليييييييه ؟

كونداليزا : حمـــاتك بعتانى اخطفك واوديكى الغردقه

نيهاهاهاهاهاهاهاهاهاهااااااا

نوسه : ليه ماهى لسه راجعه من اسكندريه قريب ومعزمتنيش معاها

هتاخدنى معاها الغردقه ليه؟

هى اخيرا رضيت عنى وهتفسحنى ياحلااوووه

كونداليزا ( فى دهشه): يابنتى انتى هبله؟ ال عاوزه حماتها تاخدها معاها وهى بتصيف ال .. ده انا هروح اغرقك وارجع

نوسه (فى حزن) : طب ماتستنى والنبى شويه لحد مانعمل الفرح وارقص مع( محمد ) سلو والنبى نفسى

كونداليزا (وهى متأثره) :ماشى يابنتى انا هسيبك ترقصى معاه سلو .. انا مش عارفه هى قارشه ملحتك ليه مع انك طيبه اهو

نوسه (فى حزن بردو) : معلش انا مسامحاها بردو .. دى مهما كان هتبقى جدة الاولاد

كونداليزا ( فى غضب) : اولاد مين ؟ انتى مش قولتى هقتلك بعد ماترقصوا سلو ؟ انتى هتخمى ولاايه؟

طب مفيش سلووو... طاخ طا اا اخ

---------------------------------------------

* ادهم صبرى او رجل المستحيل يرمز له بالرمز (ن-1) والرمز ن يعنى انه فئه نادره و ...... و ..... وكل الكلام اللى انتوا عارفينه والرجاله بيتغاظوا منه اوى :D