عارفه انى وحشه خااالص ولا برد على تعليقات ولا بعلق فى مدوناتكم
بس والله بزورها بس مبلحقش خالص ارد
اصل عقبال عندكم فرح اخويا قرب- اخويا الاصغر منى- وورايا ملييييييون حاجه
عقبالى بقىىىىىىىىىىىىىىىىىى
ده غير التدريب الصيفى بقى من 8ل4 مرزوعه فى الكليه .... منهم لله حسبى الله ونعم الوكيل فى الكليه دى
بس الحوار ده استفزنى وبدل مااتشل يعنى افضفض احسن
----------------------------
بنت خالتى: الو ازيك يانوسه عامله ايه؟
انا: الحمدلله ازيك انتى ياام عمر
بنت خالتى : تمام الحمدلله .. بقولك ايه يانوسه عاوزاكى فى خدمه
انا: عنيا ياريرى تحت امرك قولى فى ايه
بنت خالتى: بصى ياستى اخو صاحبتى بيدور على عروسه وعاوزاكى تشوفى حد من صحابك كده
انا: طيب ماشى مفيش مشكله هو بيشتغل ايه طيب ؟
بنت خالتى : مهندس معمارى .... اممممممم بس بقولك عاوز فيها مواصفات معينه
انا : مواصفات ايه بقى ؟
بنت خالتى: بــــيضه - رفيـــعه -حلوه - مستعده تلبس نقــاب - متسمعش اغانى - دكتوره او صيدلانيه - تعمل حسابها ان الشقه مش هيبقى فيها تلفزيون خااااااااالص
انا : طب مايتجوز واحده منتقبه ويريح نفسه
بنت خالتى : لا هو عاوز كده
انا : هو ملتحى يعنى ؟ متشدد ؟
بنت خالتى: لا هو عادى مش ملتحى ولاحاجه بس عاوزها كده
انا: طب دكتوره ليه اشمعنى يعنى؟ مينفعش مهندسه؟
بنت خالتى : لا هو عاوزها دكتوره وتكون مستواها المادى كويس
انا: ااااه ... طب وشهريار امكانياته ايه بقى ؟
بنت خالتى: اهو راااجل يانوووسه هو حد لاقى؟ .. اخته بتقولى راجل مقالتش مواصفات يعنى
انا : ماهو لازم يبقى راجل امال هيكون ايه؟ايه الانجاز فى انه راجل يعنى؟
عامة هسأل كذا واحده اعرفهم لو وافقوا الشروط ووافقوا على كلام البشمهندز هقولك
بنت خالتى: تجيبى صورتها الاول عشان يشوفها ولو عجبته ماشى ولو معجبتوش خلاص
انا : طب وافرضى هو معجبهاش بقى؟ مش المفروض تجيبى صورته هو كمان؟
بنت خالتى: هيعجبها محدش لاقى عرسان وبعدين ده مهندددددس وهتعيش فى مدينة نصرر
هو لسه فى ناس زى العريس ده؟
7 comments:
ربنا معاكى يا جميل يارب
وعقبال فرحك واياك ثم اياك ثم اياك متعزمنيش انا بقولك اهو
بصى يا نوسه ومن غير زعل خالص مالص
بنت خالتك عنها حق
هو حد لاقى
مش كفاية انه مهندس والعروسه هتقعد فى مدينة نصر
للاسف يا نوسه النوعيه من الناس دى موجوده وكتير كمان
بيبقى شايف نفسه لقطه ومفيش زيه
اللهم ارزقنا التواضع ووفقنا اليه
وابعد عنا الكبر وابعدنا عنه
وعقبال ما اجى اباركلك قريب علشان فرحك ان شاء الله
سلاااااااااااااام
الف مبروك لأخوكى الصغير يا دوك وعقبالك ان شاء الله :)
ايوة فى ناس بالمنظر ده واللى يعيش ياما يشوف !!!
تحياتى :)
حد يلاقى عريس كده وميوافقش ايه ده دة محدش لاقى سباك حتى
ايه ده هو احنا سنة كام يا بنتي
هو الكلام ده لسه بيحصل
وبعدين انتي شغاله خاطبة ولا ايه
علي فكرة المهندسين المعماريين بصفتي احدهم بيبقو متفتحين شوية
بس صاحبنا ده فلتت معاه ما علينا
الف مبروك
ههههههه
بلا رجاله بلاهم لو كانو كده
هما فاكرين نفسهم ايه
يعقد ويتشرط وكانه شهريار بجد
على فكره ده نفسية ومعقد وهيطلع عين اللى هيجوزها
ومش لقطه يعنى ولا امله
ههههههههه
يارب تكونى بخير
اهو راجل يا نوسه!!!!!!!!!!!!!!!!
اعذرينى علي اقتحامي واحييك علي المدونه
انا اسف انني انا بهزر من غير سابق معرفه بس الموضوع عجبني جدا وطبعا مش هاتوفقي لمجرد انه راجل !!!!!!!!!!!!
Post a Comment