تاج

تاج من اينو :)

اولا : اذكر عشرة اشياء عن نفسك
ثانيا : اختار خمس اشخاص تهدي لهم التاج
ثالثا : لاتهدي التاج لمن اهداه اليك
رابعا : عرف اللي بعتلك التاج انك نزلته عندك

------------------------------------

اولا : مش عارفه اقول ايه عن نفسى بس قطعا مش هشكر فيها يعنى
لان فيها شوية صفات عاوزه الحرق
-------------------------
1- انطوائيه

بحب الهدوء

----------------------------------

2- بوشين ..

ايون بوشين بس مش اللى فى دماغكم..يعنى مش بسبب أذيه لاى حد

هو ببساطه يعنى بما انى انطوائيه .. والانسان الانطوائى بيتقال عليه مغرور .. فانا بغصب على نفسى وببقى اجتماعيه مع الناس عشان محدش يفتكرنى مغروره

يعنى ببساطه ممكن اكون من جوايا مش قادره اتكلم مع حد.. ومش عايزه اتكلم مع حد ولكن اللى بيظهر عليا انى سعيده ومبسوطه بالكلام جدا وممكن انا اللى اقعد افتح فى مواضيع كمان..ممكن عشان بردو مزعلش حد منى ومحرجش حد .. تناقض رهيب صح؟

-------------------------------------

3-نكديه

لما بفتح فى النكد مبخلصش ..ساعات بيبقى الموضوع يستاهل النكد اللى انا عاملاه بس غالبا مبيبقاش يستاهل وانا اللى بكبر الموضوع ..يمكن ببقى محتاجه حد يقولى معلش او يطبطب عليا .؟يمكن

-------------------------------------

4- رومانسيه اوى

-------------------------------------

5- غيوره اوى

عارفين اغنية انغام بغير؟ اهو انا كده

------------------------------------

6- بتعصب بسرعه

------------------------------------

7- بحب كل الناس

يعنى نفسى كل الناس تبقى مبسوطه ولو فى ايدى اعمل اى حاجه تخلى اى حد فرحان بعملها وبفرح اوى لما بفرح حد

-----------------------------------

8- مدمنه لاحلام اليقظه

اى حاجه معرفش اعملها فى الواقع افضل اتخيلها بقى انى عملتها

يعنى لومتغاظه من واحده مثلا وكان نفسى اضربها بوكس مثلا اعمل سيناريو كامل على الموضوع ده :)

عندى سنياريوهات كتييييييييير .. والله انفع مؤلفه ومخرجه كمان :)

-----------------------------------

9- بيتوتيه جداااااا

بحب البيت وكل مايتعلق بيه .. يعنى البيت هو مملكتى بجد .. بحب اظبط ديكورات وافنن فى الطبخ وكده..

-----------------------------------

10- بحب الاطفال

من سن يوم لسن 3سنين بسسسسسسس

----------------------------------

معتقدش ان فى حد مجاوبش التاج ده لان تاريخه قديم

فأى حد عاوز يجاوبه يتفضل بس يقولى عشان اعرف انه جاوبه واروح اقرا اجاباته :)

---------------------------------

ميرسى يا اينوووو :)