انا وصلت لمرحله صعبه على فكره
كل مااشوفك توحشنى اكتر
وانت معايا ببقى عاوزه افضل باصه عليك واخزن ملامحك واشبع منها
بس مبشبعش
لما بتيجى مروح روحى بتتسحب منى والله بجد مش مجرد كلام
ببقى عاوزه اجى معاك اوى
خلاص حاسه انى المفروض ابقى معاك مش هنا
لما حد يسالنى انتى منين ؟
ببقى مش عاوزه اقول المنصوره .. ببقى عاوزه اقول عنوانك ياحبيبى
وصلت لدرجة ان واحده صحبتى بتقولى انا شوفت العبايه دى ولقيتها بكذا .. لقيتنى بقولها لا عندنا تمنها اقل شويه
! قالتلى عندكم فين يااختى مااحنا جيران
قولتلها عندنا فى الشرقيه
مشتاقه اوى لحياتنا سوا
مشتاقه اقوم من النوم على صوتك بيقولى صباح الخير ياحبيبتى
مشتاقه نفطر ونتغدى ونتعشى سوا
مشتاقه نتفرج على توم وجيرى سوا
مشتاقه نروح نصلى التراويح سوا
مشتاقه ابص عليك من البلكونه وانت رايح الشغل الصبح
مشتاقه ليك
18 comments:
ربنا يسعدكم ببعض ياااااااارب
ويقرب البعيد
واظن انتى افضل حد هيقول رايه فى بوستى الاخير منتظرك رأيك جايز نوصل لحل
على فكره انا لو مكانه وقريت الكلام ده مش عارف هعمل ايه
بجد خايف احسده ربنا يسعدكم يارب
سلامو عليكو
بأمانة .. كلام ينشط دموع التأثر
ربنا يرزقكم الهنا
:)
بوست مؤثرة اوى
ربنا يقرب البعيد :)
الله يانوسه
بجد كلماتك حاسه بيها اوووووي
يمكن عشان في منها كتير بيدور في خواطري :$
ربنا يحفظكم لبعض يارب ويكملك بالف خير ويحققلك كل اللي تتمنيه وتحلمي بيه يـــــــــــــــــــــارب
هاتي بأه ربع جنيه تمن الدعوه :D
سلام ياقمر :)
____
علي فكره حلوه الهدايا اللي قولتي عليها كلها يارب تعجبها ان شاء الله :)
يا عينى ع الصبر
هههههههههه
يا سيدى يا سيدى الله اكبر
ههههههههه
بجد ربنا يسعدكم ببعض و يخليكم دايماً لبعض ان شاء الله
كلامك مؤثر اوى
شكراً ليكى
تحياتى
وصف مشاعرك بكل بساطة
وصل لقلوبنا جميعا بعمق
فما بالك بالمقصود بقى
ربنا يجمعكوا على خير ان شاء الله
وبعدين انتى هتنورى الشرقية وكمان الزقازيق
يادى النور يادى الهنا
كلماتك جميله وبتعبر عن احاسيس رقيقه وعذبه..ربنا يوفقكم ويسعدك يارب ونفرح بيكى قريبااااااا..
تحياتى وياريت تزورينى
رجعتيني للذي مضي
الله يا نوسة
اد ايه رقيقة
بجد اثرت فيا لرجة ان عينى دمعت
ربنا يقرب البعيد
انتى يا بت
انتى كنتى سامعانى ولا ايه
الكلام ده كله انا قلته
ربنا يجمعكم على خير يارب اللهم امين
وانا كمان
هههههههههههههههههه
يلا بقى
سلااااااااااااااااااام
علي فكرة يانوسة بيقولوا الشراقوة طيبين أوي
ربنا يتمم لك علي خيييير
وحماتك اكيد ان شاء الله هاتبقي طيبة
يااااااااارب
ربنا يحقق لك امنيتك
قريبا جدا ونجي نبارك ونزغرط هنا
ونعملك فرح كمان
تحياااااااتى
كلام جميل جدا يا نوسه بس هزور المدونه تانى لانى لقيتها اكثر من رائعه
بطوط
ياااارب:)
ربنا يخليك يااارب
وعقبالك :)
وجاااايه حاااااااالا اهو :)
--------------------------------
مصطفى
ويرزقك انت كمان يااارب وكل الناس كمان يااارب
:)
----------------------------------
فوكس
يااااااارب وانت واينو كمان ياااارب
:)
----------------------------------
اينووووو
ربع جنيه بس ؟
ده انا ممكن اديلك خمسين قرش كمان :))
ربنا يخليكى ياحبيبتى يااارب وربنا يقربلكم البعيد بردو انتى وفوكس :)
---
كويس ان الهديه عجبتك ويارب تعجبها بقى :)
---------------------------------
شريف طلال
ههههههههههههه
ياكثووووفى انت بتضحك على ايييه :))
عقبالك ياسيدىى وبطل ضوحك بقى :))
---------------------------------
قطة الصحرا
ربنا يخليكى يااااارب ويسعدك انتى كمان ياااارب
الشرقيه منوره باهلها ياقمرااايه
---------------------------------
الشموع السوداء
ربنا يخليكى ياحبيبتى يااارب ويسعدك انتى كمان
على فكره انا بموت فى فيلم الشموع السوداء :)
وهجيلك حاااااااالا اهو :)
----------------------------------
ام احمد
هههههههههههههههههه
طب ومضى ليه بس
ماترجعيه تانى
ربنا يسعدك ياااارب
----------------------------------
simple girl
تسلميلى ياقمرايه ربنا يخليكى ونورتينى بجد
----------------------------------
ساعات ساعات
ههههههههههههههههههههههههههه
حاسه ان البنات كلها بقت رومانسيه اوى وبتحب على نفسها ههههههههههههههههههههههههههههه
وهتموت وتتجوززز
ولاايه رايك :))
----------------------------------
المفقوعه مرارتها
ازيك ياجميييل
اه بيقولوا لى كده دايما الشراقوه طيبين وكرما وكده يعنى :)
وحماتى لحد دلوقتى طيبه ومشوفتش منها حاجه وحشه ربنا يهدينا ونفضل كده على طول ياااارب :)
----------------------------------
فضفضه
ربنا يخليكى ياحبيبتى ياااارب
تسلميلى ياااارب
نورتينى والله ياقمراااايه
----------------------------------
صوت من مصر
انت تنور المدونه ياافندم وتشرفها كمان
ميرسى على كلامك:)
وحشااااااااانى يا نوسة
اية الكلام الجامد دة
انتى مخصمانى ولا اية
مروه
لاطبعا يارورو ربنا مايجيب زعل
هزعل منك ليه بس
اموووووواه=بوسه كبيره
Post a Comment