بعيدا عن التحدث عن سبب غيابى وعن وصف متاعبى وعن الالتهاب الرئوى و السعال وعن كل هذه الشكوى من

الاسعار ومن الوضع فى غزه والاكتئاب ومن كليتى و المذاكره و النتيجه التى اقتربت كثيرا

وعصبيتى التى تطورت الى صراخ ولعمرى هذا تطور لااعرف كيف تم ؟

انا التى لااعرف كيف يصرخ النسوه وكيف يحصلن على مثل هذا الصوت الرفيع الحاد

وبغض النظر عن صوتى الخفيض الذى يحير صديقاتى فى فهم فحواه وعن رقتى المتناهيه على حسب قولهم

فكيف اذن حصلت على الصراخ ؟

وبعيدا عن حبى للحديث عن ذاتى والرثاء لنفسى

وهو موضوع محبب جدا لى بصراحه..يبدو ان الانا العليا متضخمه عندى حبتين

المهم انها كلها اشياء ممله لكم جميعا برغم اهميتها الفادحه لى

لنتفق اذن ان ماتريد قوله .. ليس بالضروره هو ماتستطيع قوله

وان ماتقوله .. ليس بالضروره هو ماتريد قوله

جمله متحذلقه .. ماعلينا

لذا وبعد هذه المقدمه الممله

كل مااريده اقتراحات لهديه غير تقليديه لحماتى فى عيد الام الاول الذى يمر علىّ اثناء الخطوبه

ومش عارفه انا بتكلم فصحى ليه ده اذا كان اللى فات ده فصحى اساسا

المهم

ياريت محدش يقولى ان عيد الام بدعه وان المفروض نحتفل بالام فى كل يوم

اولا انا عارفه الكلام ده

ثانيا انا مش هودى الهديه يوم عيد الام نفسه

ثالثا انا عايزه اجيبلها هديه من زمان من منطلق تهادوا تحابوا

رابعا دى حسب النيه بقى

خامسا دى حماتى ومحدش يقنعنى انى موديش هديه

دى فيها مخالفه وكارت اصفر وبعديه كارت احمر ومش بعيد يقيموا عليا الحد