تنويـــه

عاوزه اوضح شوية حاجات

اول نقطه

المدونه انا عاملاها عشان افضفض

ساعات بيعدى عليا ايام مبنطقش ولاكلمه غير ايوه او لا

وانا من النوع اللى بيفكر كتير

مخى شغال على طول

ساعات بتعب منه

فالمدونه دى عشان اطلع الحاجات اللى بفكر فيها او اللى شغلتنى او اللى دايقتنى او اللى تعبتنى

مجرد انى كتبتها برتاح وببقى كويسه

حتى ممكن تلاحظوها انى بكتب كل يوم او يوم ويوم مثلا

مقصدش انى بكتب كويس

ولااقصد انى ابقى مشهوره

هيا مجرد فضفضه على ادها كده

تانى نقطه

من حق اى حد انه يعلق ويكتب التعليق اللى فى مزاجه

ومن حقى ارد او امسح التعليق او مردش خالص وده مش هيبقى تجاهل خالص والله العظيم ابدا

مجرد ان بس انشغلت او فى حاجه جت فى دماغى ولازم اكتبها قبل ماارد ومعنديش وقت اكتب وارد على التعليقات

فبختار انى اكتب الاول لانى زى ماقولت بتبقى الفكره تاعبانى ولازم اطلعها

ياريت محدش يزعل منى لو اتأخرت فى الرد على التعليقات

تالت نقطه

ببساطه من حق اى حد ميعلقش على اللى بيقراه

عزيزى الضيف- او الضيفه -اللى بتدخل عندى هنا

من حقك تقرا وتمشى دون كتابة اى تعليق

ومش معنى انى علقت فى مدونة حضرتك انى مثلا بجبرك تعلق عندى

ابدا والله العظيم

لما بروح مدونات حد واعلق ببقى عشان عاجبنى اللى كاتبه اوى

تعليقاتكم تسعدنى وتزيد بهجتى ان وجدت

وان لم توجد فلن تختزل من بهجتى شىء

اسفه لو لهجتى حاده شويه

بس انا متنرفزه