رعب

بوم بوم بوم

صوت دقات قلبى

مش عارفه اسكتها

الراجل بيقرب

بيقرب

اعمل ايه اعمل ايه

جاى عليا

عاوزه اقوم اجررى بس مش هينفع

مش هينفع اجرى

هقرا قرآن

قريت المعوذتين وقل هو الله احد وآية الكرسى

وفجأه

حط ورقة الاسئله ادامى ومشى

قلبى بيدق جامد اوى

يالهوى

ايه ده احنا عندنا ماده تانيه غير دى

انا مذاكرتش دى

وانادى على الراجل بصوت عالى

opreative عمو احنا المفروض نمتحن

surgery الورقه دى

عمووو رد عليا

انا مذاكرتش جراحه

انتوا غلطانين فى الماده

جايبين ورقة اسئله غلط

رد علياااااااااااااااا

واتخنقت بالعياط ومش عارفه اتنفس

وفجاه

صحيت على جرس التليفون

الحمدلله كان حلم بس

الحمدلله

اما ارد على التليفون بقى دى نجلاء صحبتى

انا: الو

نجلاء: ايوه يانوسه انتى مجيتيش ليه

انا : مجيتش فين؟

نجلاء: الامتحان يابنتى باقى 10 دقايق واللجنه تبدا انتى لسه عندك بتعملى ايه

انا: 10 دقايق ايه يالهوووى

بت الامتحان يوم الاربع والنهارده الحد

نجلاء : لا الامتحان النهارده قومى بسررررررعه

كليك وقفلت السكه

يالهوى الامتحان بعد 10 دقايق

انا لسه مراجعتش

ولسه باقى محاضره مذاكرتهاش اصلا

هعمل ايه

اصلا مش هلحق اقوم البس ولاهلاقى تاكسى

وقعدت اعيط

ياااااااااانى

وفجأه صحيت

صحيت وانا بعيط بجد

المره دى صحيت بجد

الحمدلله كان كابوس بس

كابوس جوه كابوس يالهوى على الرعب

يخرب بيت التعليم على قاسم امين على بنت الشاطىء بالمره

كان مستخبيلى فين ده بس ياربى

------------------------------------------------------

واتصلت بنجلاء فى الحقيقه بقى

انا: ايوه يانوجه هو الامتحان امتى؟

نجلاء: يوم الاربع يانوسه .. مالك يابنتى مسااااء الخييييييير انتى مش عارفه الامتحان امتى؟

انا : لا عارفه بس بتأكد بس

-----------------------------------------------------

ومن اللحظه دى انا بعلنها صريحه ومدويه وواضحه

انا بناتى اخرهم محو الاميه والولاد الابتدائيه

بلا تعليم بلا كلام فارغ

هو انا مستغنيه عنهم

مش كفايه امهم عقلها هيخف وبقت شبح من كتر التوتر

رحمتك ياااااااااااارب