العنصريه فى التعامل لم تزل تسيطر على وعى الانسان
عنصريه فى كل شىء ديانه ..جنسيه..عمل
وتتوالى الاتهامات
انت مصرى شحات
انت خليجى محدث نعمه
انت امريكى ماجن
انت يهودى قاتل
وانت كيف تتحدث معى ؟ انك مجرد ميكانيكى
ويستمر مسلسل الاتهامات والتقليل من شأن الاخر
ومن هو الاخر؟
انه انسان ..انسان مثلك
فكر معى لحظه
لو تخلى كل انسان عن عنصريته وحبه لذاته وازدراءه للاخر
لو تخلت سمر عن فكرتها بانها الاجمل والارقى وان نسرين هى الاقبح
لو تخلى عمر عن اهانة احمد لمجرد انه اقل مالا منه
لو احس الانسان باخيه
مايؤلمك يؤلمه ..مايجرحك يجرحه
عملياتنا الحيويه واحده
هضم ايض تنفس اخراج تكاثر
جميعنا نملك قلب ينبض
نفرح بضحكة طفل
نبكى لفراق الاحباب
نحن جميعا بشر
لو طبقنا ذلك للحظه
لو شعر الرئيس الامريكى بأن احد سكان دارفور هو انسان مثله
انسان له الحق فى الطعام والماء والامن
انسان يشعر بالالم
لو احس به ما عذبه
لو تغاضى الاسرائيلى عن عنصريته وصهيونيته
وعرف ان الرصاصه التى تستقر فى جسد الفلسطينى او اللبنانى تجعله ينزف دماء
والجرح يؤلم جدا
ويمكن ان تفقده حياته
لو تعاطف مع بكاء اطفاله
لو احس بألمه مااطلقها
وحتى فى حياتنا اليوميه
لو ايقن الرجل ان زوجته انسان مثله
انسان يتعب يمل يتألم
لو ايقن ذلك لما جرحها لما اهانها لما حملها ما لاتطيقه
لو تعاطف الطبيب مع المريض لما اصر على اخذ اجره قبل مداواته
فقط نريد قليلا من الانسانيه فى التعامل
قليلا من المشاعر الايجابيه
نحن جميعا بشر
فكر قبل ان تؤذى غيرك
وغيرك سيفكر قبل ان يؤذيك
لو حدث ذلك لانتهت الحروب والكراهيه بين الشعوب وبعضها
لو حدث ذلك لانتهت المشاجرات
لو حدث ذلك سوف تكون الحياه اجمل
حياه يسودها الحب .. التعاطف
حياه يجلس فيها محمد وديفيد وجورج وامادو على مائده واحده
دون ان يخبىء احدهم خنجرا خلف ظهره للاخر
حياه يجلس فيها المهندس والمدرس و الميكانيكى والنجار
دون ان ينظر احدهم بنظرة ازدراء او كراهيه للاخر
حياه يتعامل فيها الزوجان بموده ورحمه وحب
مااجملها
10 comments:
دى طبيعه البنى أدمين للأسف
الغطرسه
و للأسف لو العالم كله مشى بمبادئ الاسلام مكنش الكلام ده هيبقى موجود
المساواه كانت أنتشرت
ع العموم لا فرق بين انسان و اخر عند الله الا بالعمل الصالح
شكراً على كلامك يا نوسه و يا ريت الناس تتعظ منه
موضوع مميز كالعاده
تحياتى
جميل يا نوسه البوست
بس مين يسمع ومين ينفز ومين ومين هاقولك ايه بس انتي أثرتي فيا شجون والله يا نوسه لأني برضه كان الموضوع ده محيرني أوي ايه سبب ظلم البني آدم لبني لآدم زيه شئ محير بالفعل
فيه مقوله لغاندي بتقول(لقد ظل شعور الناس بالفخر حين يستذلون اخوانهم في الأنسانيه لغزا مغلقا لا أجد له حلا)
لغز مغلق فعلا تحسي أنه مالوش حل
تحياتي يا نوسه علي موضوعك الجميل ..مواضيعك هايله الصراحه يا نوسه..سلاااااااام
السلام عليكم
الله يانوسه البوست حلو اووووي بجد حركت احساسي جدا
عارفه لو كل حد قال لنفسه
ه(حب لغيرك ماتحب لنفسك )هنتغير كتير
لاني العنصريه من اهم سلبيات النفس البشريه :(
انا بحيكي علي فكرة البوست :)
سلام يانوووسه :)
عارفه ليه مينفعش علشان احنا بشر ومش هنقدر نكون ملايكه يعنى عندنا الخطأ والصح او بنخطأ ونصيب
بوست جميل يا نوسة
العنصرية آفة البشر من قديم الأزل العنصرية ناشئة احيانا عن الحقد والكراهية الغير مبررة
افتكر اول عنصرية فى التاريخ كانت بين قابيل وهابيل
شكرا على البوست :)
كلنا نحلم بالمدينة الفاضلة او اليوتوبيا ولكنه حلم مستحيل ان يتحقق على الارض ، فكل المخلوقات ناقصة تسعى الى الكمال ولا تدركه
ولا يقعدنا ذلك عن طلب العدل والخير فما لا يدرك كله لا يترك كله
يا ستي ما تحبكيش الحكاية
وايه يعني الست لما تاخد لها علقة من جوزة من وقت للتاني
السلام عليكم ورحمة الله وبركاته
كلام جمييييييل يا نوسة
بس تفتكرى محدش بيقوله فى نفسه على طول
وبيحاول ينفذه
كتيييير بيحاولوا
لكن يفشلوا علشان بيحس ان لوحده بينفذه
لكن اكيد لو مجموعة اتفقوا على الاقل فيما بنهم يتعاملوا كدة
هيختلف الوضع
وهيكون فى غيرة على الاقل من حب الناس لهم
لكن هتقولى لمين
الكل يقول
هو انا هغير الكون
الحمد لله
لو الانسان اللى بيغير كانت الدنيا خربت
لكن الله له ملكوت السماء والارض
وفى يده مفاتيح القلوب والعقول
ولو شاء كان جعل كل الناس امنوا برسولنا وعشنا بسلام من امد الزمان
كلامك فيه حضور
ربنا يوفقك ويجزيكى كل خير
سلااام
البوست حركني من جوه فعلا
بس بأمانة
من اللي الواحد شافه و بيشوفه
انا الأمل عندي في تنفيذ الكلام ده
انقرض
بس على فكرة
مرة كنت بتفرج على برنامج بالصدفة
طلع لواحدة اسمها تايرا بانكس
المهم كان الموضوع عن العنصرية
جايبين شوية سود و شوية بيض و حبة مخلطين
المهم
بعد كلام كتييير أوي عن العنصرية
في الآخر
سألت تايرا
مين ما بيحبش الكدب
مين صديقه خانه
شوية أسئلة عامة
كل الناس رفعت ايديها
و ختمت قائلة
رغم العنصرية و الاختلاف و الاضطهاد
الا ان الجميع يتشارك الهموم ذاتها
بقالك تدوينتين ماشية في سكة تفاؤل
ربنا يزيدك .. بس حاسبي لتتصدمي
تحياتي و تقديري
شرررريف
حمدالله على السلامه اولا
نوررررت المدونه ثانيا
ثالثا موافقاك على كل اللى تقوله
بس اهو حلم بقى يارب يتحقق
نورت ياشريف
--------------------------------
مادووو
فعلا
على راى صلاح جاهين
انا كل يوم اسمع فلان عذبوه
اسرح فى بغداد والجزاير واتوه
معجبش م اللى يطيق بجسمه العذاب
واعجب من اللى يطيق يعذب اخوه
ربنا يخرجنا من الدنيا دى على خير وندخل الجنه ونرتاح بقى
نورت المدونه يامادوو
-------------------------------
اينووو حبيبتى
فعلا لو كل واحد حب لغيره اللى بحبه لنفسه كانت حاجات كتيررر اوى اتغيررت
تحياتى يااينو
بتنورينى والله يانوسه
-------------------------------
آآبىىى حبيبتىىى
اه احنا مش ملايكه واكيد هنغلط
بس لو حاولنا نعمل الصح هتبقى حاجه فى صالحناوفى صالح اللى حوالينا
نورتينىىى ياآآبىىى
--------------------------------
Foxology
انا بتهيألى ان العنصريه سببها الرئيسى شعور فى العقل الباطن بالنقص
عشان كده الشخص اللى بيتعامل بعنصريه بيحب يذل اللى ادامه مما يعطيه شعور بالقوه الوهميه
نورررت المدونه بجد
---------------------------------
استاذى العزيز راجى
ايوه ماهو ده اللى انا بقوله
نحاول نبقى كويسين مع بعض
بس كده
بتهيالى العالم هيبقى اجمل
نورتننىىى يااستاذ راجى
------------------------------
ابو شنب
ههههههههههههههههههههههههههههههه
اه صحيح وايه يعنى؟
ده حتى ضرب الحبيييب زى شرب الزبييب
:)
نورتنى ياابو شنب
----------------------------------
AEA
ونعم بالله
احنا بس نحاول نبقى كويسين مع بعض وربنا المستعان
ربنا يخليك وبتشرفنى بالزياره والله بجد
--------------------------------
مصطفىىى
ماهو بقول عشان كلنا بنتشارك فى كل حاجه
يعنى كلنا بشر
نبقى نخاف على بعضنا
نحب بعضنا
اه كنت متفائله
دلوقتى محبطه
بس هرجع اتفاءل تانى
الدنيا مبتثبتش على حال
نوررررتنى يامصصطفى
Post a Comment