! فاهمنى

فيها ايه لو تاخدنى على أد عقلى
طبطب عليا
لما اسالك بتحبنى
متقوليش بتسالى ليه؟
متقوليش هو انتى لسه بتسالى؟
متقوليش ده سؤال يعنى؟
جاوب وبس
قولى بحبك
قولى بموت فيكى
قولى مليش غيرك
-----------------------------
لما اقولك هتسيبنى ؟
متتنرفزش عليا وتشخط
متتعصبش وتقولى بطلى عبط
متتريقش عليا
جاوب وبس
قولى عمرى ماهسيبك
قولى من غيرك اموت
قولى متسيبينيش انتى
--------------------------------
ساعات معرفش بيبقى مالى
ببقى محتاجه اسمعها واطمن
متعتمدش اوى على انى عارفه
عاوزاك تقولها
عاوزه اسمعها لما اطلبها
-------------------------------
لما بقولك بتحبنى ؟
مبيبقاش سؤال
مش عاوزاك تقول ايوه
عاوزاك تقولى بحبك اوى
لما بقولك هتسيبنى؟
بردو مبيبقاش سؤال
ومش عاوزاك تقول لا
عاوزاك تقول مقدرش اسيبك

خدنى على اد عقلى
فاهمنى