كل ماتمشى تتكعبل فى قطه
ممكن وانت خارج من البيت تقابل قطه على السلم
وقطه فى المدخل
وقطه ادام البيت
وقطه عند صندوق الزباله الفاضى والزباله حواليه
لا مش قطه واحده عند الصندوق ده
دول قطططططططططط ..... قطييييييييع من القطط
فى المدرج دخلت قطه من الشباك
وكانت جنبنا بالظبط لان مروه صحبتى كانت جنب الشباك على طول وانا جنبها وطبعا رد الفعل الطبيعى صرخه
والدكتور يومها باين اتنرفز وخرج او المحاضره خلصت مش فاكره بالظبط
بس فاكره اننا -كل البنات يعنى- خرجوا بره المدرج
عشان القطه كانت موجوده ومش راضيه تخرج
وبعدين على معاد المحاضره التانيه دخلنا
لقينا الولاد قعدوا فى الاماكن بتاعتنا فى البنشات اللى ادام مع اننا كنا سايبين الكتب بتاعتنا -قمة الجنتله-واحنا رجعنا ورا والسبب قطه
----------------------------------------------
وانا طالعه فوق السطح انشر الغسيل قابلتنى قطه على السلم .. صرخت صرخه بابا اتخض وطلع قولتله وانا بعيط فى قطةةةةةةة انتوا سايبنها ليييييه تطلع براحتها كده دى معاها ولادها كماااااان؟؟؟؟؟؟؟؟؟؟؟؟
قالى معلش هطخها بالنار اول لما اشوفها .. بيتريق عليا طبعا
----------------------------------------------
وانا طالعه على السلم بردو فى احد الايام فوجئت بقطه نازله بسرعه وانا طالعه بسرعه وحصل التصادم
وقعدت اصووووووووت مع ان القطه كانت سريعه واتخطتنى ونزلت يعنى بس حسيت باشمئزاز لما لمستنى وكفايه انها وقعتنى على السلم وكنت هتكسر لولا ستر ربنا
--------------------------------------------
وانا رايحه درس الكيميا فى مره كان الاستاذ عاطينا معاد الساعه 6 الصبح
ماهو ثانويه عامه بقى ومواعيد الدروس كانت صعبه اوى ان مدرس يوفقها ايام الامتحانات فكان المعاد 6 الصبح
بيت الاستاذ فى الشارع اللى ورانا اساسا فخرجت عادى لوحدى والدنيا ساااكته
ولقيت القطه ماشيه ورايا
امد الخطوه
الاقيها هيا كمان سرعت خطوتها
لقيتنى بجرى لحد بيت الاستاذ ودخلت بسسسرعه ببص ورايا لقيتها بتبصلى كان هيجيلى سكته قلبيه بس مسكت نفسى
----------------------------------------------
لغاية شهر فات -ومازلت يعنى - كل يوم اسمع البوابه بتتهز جااااامد
كأن حد بيحاول يفتحها عنوه -حلوه عنوه دى - ..حرامى يعنى
واقعد مرعوبه
وافضل واقفه ورا الباب اسمع كده والاقى حركات فى المدخل كده
لغاية ما فى يوم حصلت حركة هز البوابه دى بالنهار وكنا بنتغدى
قولت لبابا حرامى يا بابا كل يوم بيعمل كده
نفتح الباب
نلاقى قطه بتدخل من بين حديد البوابه
قطه كلبوزه كده بس قمة المرونه داخله من فتحه ضييييييقه
دى اللى كانت بتهز البوابه كل يوم وترعبنى
-----------------------------------------------
كل ده والناس تسألنى بتخافى من القطه ليه؟
كل ده وخطيبى يضحك عليا لما اقوله نمشى من شارع تانى او استخبى وراه لما اشوف قطه من بعيد
كل ده وبردو يفضل يخوفنى ويبسبس لاى قطه والاقيها -والله العظيم بتحصل- تيجى جنبه وتقعد جنب رجله
كل ده والناس يستغربوا لما اقولهم انى كارهه القطط كمان مش مجرد خوف بس
يقولوا لى دى كائن وديع
منظره جميل
اقولهم دى كائن شرس
والشكل الجميل ده مخبى تحته بلاوى
عمركم ماشفتوا قطتين بيتخانقوا؟؟
بتشوفوهم بيبقوا عاملين ازاى؟
شفتوا سنانهم؟
سمعتوا صوتهم؟
شفتوا مخالبهم؟
فين الوداعه بقى؟
دى نمرررررر او اسدددددددددد متخفىىىىىى
فى رأيى الخاص ان الكائن ده بيظهر غير مايبطن
والنوع ده من الكائنات يتخاف منه
---------------------------------------
ليه بقى كل الرغى ده عن رعبى وكراهيتى للقطط
لان خطيبى بيقولى بيفكر يجيبلى قطه شيرازى
طب انا قولتله كل الكلام ده قبل كده
وبردو لسه بيفكر يجيب
اعمل ايه تاااااانى
عاااااااااااااااااااااااااااااااااااااااااا بكاء حاااااااااد
6 comments:
يا حجـــة
القطط اللى انتى حاطاهم دول ولاد ناس جدااااااااا بالمقارنة بالنمور الآسيوية خاصة نمور التبت والنبغال الللى سارحين فى شوارعنا وبين صناديق الزبالة وعند محلات الفرارجية
يا بنتى قططنا هنا وحوش
طب تعالى كدة هسى فى وش واحدة منهم؟
مش حتخربشك زى خلق الله من القطط كدة يعنى
دى حتقرمك من صوابعك لحد ما تطلع بالعقلة بحالها
دول من جبروتهم بيهجموا على باب شقتنا لما بيفتح لأى سبب من الأسباب ويطالبونا بحقهم الشرعى فى الطعام اللى فى مطبخنا والا يقعدوا طول الليل والنهار صويت وصريخ لحد ما احنا نقول جااااااااى
بس فى النهاية غلابة برضة
مكسورين الجوناح
خخخخخخخخخ
صباح الفل
موضوع جميل كفايه إنه مكتوب في مدونة نوسه وكل المواضيع القديمه برضه جميله جدا وكل سنة وبنت أختك طيبه
والسلام عليكم
ننوسه
انا بحب القطط والله الى فى البيت مش بيكونوا زى اللى فى الشارع صدقينى بس المشكله انك ممكن تتعلقى بالقطه زى وفى النهايه بيموت وادخل فى دور اكتئاب بقى لانى بجد برتبط بيهم عاطفيا ونفسيا جدا بس بيقولوا بيجيبوا اجات مش كويسه للبنات وانتى عارفه فبلاش احسن وبطلى عياط صدعتينى يا شيخه الله هههههههههههههه
ازيك يا نوسه
دانا جسمى اقشعر من صورهم والكلام عنهم
اصلى بخاف منهم جداااا
وزيك برضه لو واحده لمستنى ببقى مش طايقه نفسى
ولسه امبارح واحده مؤذيه منهم كانت هتوقعنى من على السلم
لانى اول ما شفتها كنت عايزه اجرى بسرعه بس ملحقتش
ربنا يبعدهم عننا
تحياتى يا كتكوته
بصى يانوسة يا عسل
لو القطة مش عاوزاها
هاتيها وانا هتصرف
ياختى عليهم انا بحبهم موتتتتتت
انا كنت مربية قطة بلدى وكنت بأكلها فراخ
وبعمل لها شاى بعد الأكل
ههههههههههههههههههه
اة والله
خلية يجبها
وهاتيها انتى بس
شهروووزه
عندك حق والنبى يااختشى ومع ذلك فى ناس بتحبهم بردووو
وهما اه مكسورين الجونااح اوووى :d
صباح الوررررد
------------------------------
محمد على باشا
الله يخليك ده بس من ذوقك
نوررررررتنى
وانت بالصحه والسلامه ياافندم
---------------------------
آآبىىىى
ياستى قطط بيت قطط شوارع كلهم وحوش متخفيةةةةةةة
انتى بس اللى عاطشفيه وقلبك رهيف
ااه انتى قصدك على فيروس البتاع ده
وبعدين عياطى صدعك ؟؟
ده حتى صوتى جميل فى العياط بفكر اسجله على شريط واخلى شركة انتاج تتبنانىىى
نيهاهاهاهاها
---------------------------
منىىىىىىى
معرفش ليه يامنمن حسيت ان رأينا هيبقى واااحد
سبحان الله
نورتينى ياعسسسل
---------------------------
مررررروه
اذن انتى من الاعداء
حزب محبين القططططططط
مع آآبى يعنىىىىىىى
وكمان بتأكلى القطه فرااخ؟؟
هو الناس لاقينها يااختشى
خلاص عموما هبقى ابعتهالك بس مليش دعوه لو عضتك وفكرت ايدك ورك فرخه
Post a Comment