الله يمسيك بالخير يااستاذ احمد
استاذ الانجليزى كنت باخد عنده درس فى ثانوى
كان استاذ سكره كده والله
مثقف جدا
مرح جدا
وكان عنده مكتبه كبيييييييره اوى ومره ادانى كتاب للابنودى
عيبه الوحيد انه كان بيحب الرغى وبالنسبه لنا مكنش عيب لاننا بنمووووووووت فى الرغى يعنى
افتكرته النهارده وانا قاعده كده
كان دايما يقول الستات دول زى القطط تاكل وتنكر وكنا ندايق اوى منه لانه بيقول كده علينا ونفضل قاعدين مكشرين ومقموصين
وكان دايما يقول الجمله دى (يكفرن العشير) مكنتش اعرف انه يقصد حديث للرسول عليه الصلاة والسلام
مكناش نعرف الحديث ده وقتها يعنى
عن ابن عباس - رضي الله عنهما - قال: قال رسول الله - صلى الله عليه وسلم -: "أُريت النار، فإذا أكثر أهلها النساء يكفرن قيل: أيكفرن بالله؟ قال: يكفرن العشير، ويكفرن الإحسان ، لو أحسنت إلى إحداهن الدهر ثم رأت منك شيئا قالت: ما رأيت منك خيرا قط". متفق عليه
بس هو فسرلنا ساعتها وقال الست يبقى جوزها مهنيها وقايد صوابعه العشره شمع , واول مايعمل غلطه واحده تقوله الا ماشوفت منك يوم يسر القلب
ومكناش نصدق واول مانخرج من الدرس نقول الراجل ده عدو المراه وبيفترى علينا واحنا مش هنعمل كده
لحد ما كبرت بقى وعرفت ان ده بيحصل فعلا
^
^
^
يعنى على سبيل المثال
---------------------
اختى وهيا راضيه على جوزها
==============
ده ابو كريم-واخدين بالكم- طيب والله يانوسه, ده شال المراتب ياعينى وحطهم فى الشمس فوق السطح مع ان ضهره واجعه
وغسلى السجاده بتاعت الصاله عشان عارف ان ايدى متعوره ومش هعرف اغسلها
!ربنا يصلح حاله يارب
------------------------------------------------------------------------------
اختى وهيا عامله دور ابو الغضب
==================
اسكتىىىىىى بلا جواز بلا نيله ال جواز ال
البت من دول تبقى هتموت وتتجوز تيجى تشوف القرف اللى الواحده فيه
الراجل -ابوكريم سابقا-اقوله يفوت على السوبر ماركت يجيب جبنه للسندوتشات يقولى انزلى هاتى انتى
وعايزنى كمان انزل اجيب الانبوبه
هو الضغط جالى من شويه
!رجاله اخر زمن
--------------------------------------------------------------------------
المشكله انى مش عاوزه ابقى كده
بس مش عارفه
بلاقينى بعمل كده غصب عنى
يعنى واحنا كويسين انا وخطيبى يبقى هو عنيا وقلبى وروحى وعقلى والحاجات دى كلها
واول ماالسما تغيم شويه وتحصل مشكله -وبتبقى تااااااافهه وربنا- الاقينى اقعد مع نفسى واطلع القديم والجديد
ده مقاليش صباح الخير
ده قفل قبل مايقولى هتوحشينى
ده مرنش قبل ما ينام
ده مكلمنيش امبارح غير مرتين
وهكذااااا
بسسسسسسسسس لااااااااااا انا هقاوم التحول القططى اللى بيحصلى ده
وانا دلوقتى زعلانه منه بس مش هقول عليه حاجه وحشه
هو مبيعملش حاجه وحشه اصلا (ياسلام على حنية قلبىىىىى ) مفيش منى طبعا
11 comments:
بجد انت دمك خفبف وزى العسل
اولا مبروك على الخطوبه وربنا يوفقك ونفرحوا بيك يارب
وفعلا زى ما قولتى لازم الواحده لما تزعل مع خطيبها تنسى كل الحاجات الحلوه اللى بينهم بسرعه وزى ما هو بيزعلك انت كمان بتزعليه والحياه مش وحشه ولا حلوه علطلول عالشان كده لازم تعدى اى حاجات ممكن تعمل زعل بينكم الحياه متستهلش نعديها بزعل وصدقينى لو اخدتيه انت بحنيه حيحطك جوه عينيه تحياتى لك ولاء
اااااه انا غلب حمارى فى الفزووووره ممكن تقوليلى عليها
ولاء
الله يخليكى ويبارك فيكى ياجميييييييل
انتى اللى عسل والله
ونورتى المدونه
حل الفزوووووره بقى
امممممممم
بصى ياستى
عنوان البلوج بتاعك ده
http://mawgoda.blogspot.com/
موجوده .بلوجسبوت. كوم
عنوان البلوج بتاعى
http://moshmwgoda.blogspot.com/
مش موجوده .بلوجسبوت . كوم
العنوانين عكس بعض
وبس كددده
هاتى بقى ربع جنيه
نوووووووووووسة حبيبتى
وحشتينىىىىىىىىىى مووووووووووووت
انتى على طول عسل كدة يابت
على فكرة (كلنا هذا الرجل) يعنى لما حد بيكون مصالح حد بيقعد يمدح فية ولما بيزعل منة بيقعد يلعن سلسافيل أهلة
الا بالمناسبة (وات أميننج أوف سلسافيل) ما علينا دلوقتى
بس عارفة لو حد بتحبية بجد سواء صديق او حبيب (مز يعنى) هتلاقيكى بتشتمى علية وانتى زعلانة منة من ورا قلبك وشوية كدة وبتخلقى لة عذر وبتسامحية (حتى لو هو اللى غلطان) مش بيحصل كدة فعلا؟
اصل انا يابنتى بيحصل معايا كدة
قلبى قلب خصاية ..... انا قلبى مساكن شعبيةةة ترااا لاااام لاااام
نياااااهاهاهااااهههههااا هههههههه هعهعهعهعهع
كلمة على جمب .. رجعى صورة الطرطور تانى عشان بحبها اوى وبحس انها لذيذة كدة ومرحة .. بليز بليز بليز
أيدك أبوسها رجعيها
أرجوكى مش قادرة أستحمل
رجعيههاااااااااااا
lol
حلوة مدونتك وبعدين بقىىىىىىى
اقولك على نصيحه فعلا الرجاله نيله اسالينى انا ميعملوش الحاجه الا لما يكون وراها حاجه تانيه بس عادى جوزك على ما تعوديه اجمدى بقى وشدى حيلك
ألف مبروك
و عقبال التمليك
اتخذ لاخيك سبعين عذرا
انا شخصيا لما بزعل من حد غالى عندى بحاول افتكر كل حاجه حلوه شفتها منه
واحاول اتخذ له اعذار
طالما له اى حاجه حلوه
يبقى المسامح كريم
وانتى كريمه يا نوسه
مش كده ولا ايييييييييه؟
مررررررروه حبيبتىىىىىىىى
انا شلت الصوره خااالص اهو ومن غير بوس هدى اعصابك فى ناس عايزيننننك
انا بردو لقيتها مش لايقه خالص
انا بحب ليلى مراد جدا بس الصوره مش لايقه عليا
وفعلا انا بردو بخلقله اعذاار وكل حاجه بسسسسس ساعات بتحول وببقى شريررررررره بس فى الموقف ده ومن واقع خبرتى يعنى عرفت انى ببقى محتاجه شوية نكد او ارادة النكد _على راى دكتور احمد خالد_ بتخلينى اقعد اطلع المستخبى والقديم والجديد وانكد على نفسى
وبعدين ايه سلسافيل دى يابت ده خلاص الكلمه دى انقرضت من زماااااااان
lol lol lol
appy
اولا نورتينىىى
ثانيا ميرسى
ثالثا
انا معاكى بششششششده
جوزك على ماتعودييييه
هتعوديه انك مبتزعليش منه وبتسامحى على طول هيطلع فيها بقى ومش هيصالحك ابدا
اما لو جمدتى قلبك شويه وزعلتى وكانت زعله تستاهل يعنى هيجى ويصالحك ويعرف انه لازم يصالحك والاااااا ...حاجات شريره هتحصل
الدرويش المرووش
الله يبارك فيك يااارب
مفيش حاجه ايجار قديم طيب جنبكم وتكون فى حته هاديه ومطرفه بس جنبها سينما ومول وملاهى وحديقه حيوان
نيهاهاهاهاهاها
احم
على فكره انا متابعه مدونة حضرتك ومدونة المدام من زمان من قبل مااعمل مدونه بكتييير وعاجبانى اوووى الفكره زى طهقان وطهقانه كده بردو
نورتنى بجدددد
منى الغاليه اوى
والله كريمه وحليمه والتالته كانت اسمها ايه
زهايمر ماعلينا
بس ساعات بتحول زى ماقولت اعمل ايه بس :((
هحاول متحولششششش
نورتينىىىىىىىىىىىىى
دة كلام جمييييييل .. البوست يجنن ... تحياتى
Post a Comment