المفروض اكون عارفه عامله بلوج ليه
بس فى الواقع مش عارفه
ممكن تكون مجرد فضفضه مع نفسى بدل مااطق..اصل حاسه انى كبرت على الشات
اهو هفضل ارغى مع نفسى وخلاص
ودلوقتى يانفسى انتى عرفتى انا عامله بلوج ليه فاياريت تفضيلى كده شويه وتسمعى بقى
انا زهقانه منك يانفسى
ايوه زهقانه متبصيش باستغراب كده
يعنى بجد انتى راضيه عن نفسك يانفسى ؟
كدااابه متقعديش تقولى وتزوقى فى الكلام وتحورى
متقنعنيش انك حلوه
ايوه عارفه انك بشر زى كل الناس وبتغلطى
بس فى مشكله يانفسى
مشكله جااااااامده جدا على فكره
بتسألى هيا ايه ؟
المفروض تكونى عارفه
بتستعبطى طبعا
المشكله انى فهماكى بس انتى بتحاولى تحورى عليا بردو
يابنتى مش عليا انا
انتى بشر وبتغلطى ماااااااشى مفيهاش حاجه
بس ليه بقى الناس فكراكى ملاك؟؟؟
متغاظه منك اوى
ماشى فهماكى انك مش لازم تغلطى ادام الناس عشان متبقيش منافقه
بس بردو متبقيش سهنه كده
ايوه سهنه متقوليش لا
بتقولى انك بشششر لما بتغلطى صح؟
يبقى ادام الناس كمان تبقى بشر
مش عاجبك كلام صاحبتك قوليلها مش عاجبنى
خطيبك قالك كلمه عصبتك متضحكيش وتخليها هزار
اتعصبىىىىىىىىىىىى
اتريقىىىىىىىىىىىىىى
اغضبىىىىىىىىىىىىىى
ازعلىىىىىىىىىىىىىىىىىىىى
خاصمىىىىىىىىىىىىىىىىىىىىىىىى
ايوه خاصمى فيها ايه؟
حرام ايوه عارفه بس لو زدتى عن 3 ايام
ماهما بيخاصموكى يبنتى
خاصمى انتى كمان
هتفضلى كده لحد امتىىىىىىىىى؟؟
مش عاوزه تزعلى حد ؟
اشمعنى هما بيزعلوكى؟؟؟
مش عاوزه تتريقى على حد ؟؟
اشمعنى هما بيتريقوا على اى حاجه متعجبهومش فيكى؟؟؟؟؟
اكبرى بقى
مش لازم تخرجى راسمه ابتسامه حتى وانتى متنكده وعنيكى مليانه دموع
مفيش ملايكه على الارض
عمرك قابلتى ملاك ؟
تنازلى بقى عن لقب ملاك ده
تنازلى عن اللقب اللى خدتيه لما دوستى على اعصابك
مبقولش انك منافقه
مع ان يدوب هيا شعره اللى تفصل بينك وبين النفاق
انتى اه بتعملى لوجه الله
ومش عاوزه منهم حاجه غير يعاملوكى بالمثل
والبسمه فى وجه اخيك صدقه
والخير اخرته الجنه ان شاء الله
بس انتى ساعات مبتبقيش عاوزه تبتسمى
ساعات مبتبقيش عاوزه تتكلمى
ساعات مبتبقيش عاوزه تسمعى حد
صح يانفسى؟؟؟؟
Tuesday, December 4, 2007
نفسى
Subscribe to:
Post Comments (Atom)
8 comments:
نوسة
مبروك المدونة واتمنى ان تستمرى وتتصالحى مع نفسك موش من اولها يعنى
I LIKE IT A LOT
راجى انا زورت مدونتك وعجبتنى اوى من غير مجاملات يعنى بس مرضيتش اقول هناك عشان متبقاش كأنها رد للزياره يعنى
نادى الجميلات
اشكرك
نوسة
نادى الجميلات ده واضح انه دعوة للفسق والدعارة المستترة
خدى بالك
ماهو انا خدت بالى ومكترتش معاه ياراجى اشكرك جداااااااااااا بجد
منور المدونه
من يومين كنت بكلم نفسي
هو انا لازم كل ما اشوف حاجة انتقضها
وليه انا دايما مكشر
لدرجة اني صعب اكتسب صداقة جديدة
طب مفيش حل
لقيت كتاب اسمه كيف تكسب الاصدقاء
بعد ما خلصته قراية
حاولت اطبق اللي قريته
لقيت نفسي مش هبقى نفسي
طب عليه التعب ده كله
قمت راسم التكشيرة
وابتديت انتقد الكتاب والافكار اللي فيه
تيجي نقسم مع بعض
ابو شنب
امممم افهم من كلامك انى مش هتغير فعلا وهفضل كده على طول ولاايه
بفكر اخلينى عادى بنفس الشخصيه طول الاسبوع ماعدا يوم واحد بس اعمل كل اللى عايزاه- ومقدرش او معرفش- اعمله بشخصيتى دى
ماتجرب انت كمان كده واهى تجربه لو حلوه وهتفرحنا ماشى
لو وحشه نفضل على قديمو بقى
Post a Comment