نفسى مسدوده عن كل حاجه
كل مااجى افتح المدونه وارد ع التعليقات الاقى حاجه تسد نفسى وتخلى الدنيا سوده اكتر ماهيا
ممدوح اسماعيل خد براءه
قلبى انفطر والله العظيم وحاسه كأن حد غارس سكينه فى قلبى
شخصيا انا اعرف حد كان راكب العباره وياحسرة اهله عليه ميعرفوش لسه اذا كان ميت ولاحى
مفقود
----------
والحكومه حاطه قانون جديد يلزم المقبلين ع الزواج لاجراء فحوصات طبيه
معنديش مانع اعمل فحوصات بس محدش يجبرنى
معنديش مانع اعمل فحوصات بس متبقاش فى مستشفى حكومى وانتوا عارفين المستشفيات الحكومى
معنديش مانع اعمل فحوصات بس ميحسسونيش بالاهانه كده
يعنى لاقدر الله لو طلع فى حاجه وحشه ايه النتيجه؟
انا بحب خطيبى اوى
وخايفه اوى
هيا الحكومه دى عاوزه تعمل فينا ايه اكتر من كده
هنبقى مفعول بينا دايما كده؟
حرام اوى ده حتى الضرب فى الميت حرام
حسبى الله ونعم الوكيل فى اللى ادى لزفت الطين ممدوح ده البراءه وحسبى الله ونعم الوكيل فيك ياممدوح
هو بيعرف ينام؟ مبيجيلوش كوابيس الناس اللى موتهم
حسبى الله ونعم الوكيل وبدعى من قلبى علي رئيس الوزرا ووزير الصحه واى وزير اشترك فى القانون بتاع الفحوصات الطبيه
8 comments:
سلامة قلبك من الأنفطار..... المهم.. مش عارف ليه انت مصممة انك دكتورة سنان فاشله... حاولت افهم مالقتش دليل... سيبك من العبارة والعبارة ... تعرفي تزرعي أسنان؟
برضه يا نوسه
معلش يا حبيبنى والله جتلى فترة كنت عايزه اشيل التعليقات من عندى ومعدتش ارد عند حد واكتب وخلاص
بس معرفتش .. تعرفى ليه؟؟؟
علشان لقيت ناس تحبنى من غير ما تشوفنى وتدعيلى من قلبها
واكتشفت ان المدونه كويسه اوى بتريحك جدا ولو فيه حاجه مش قادره تقوليا فى حياتك وفى الواقع اللى انتى عايشاه بتقوليه فيها
انا بقيت احبها على الرغم من اللى بيحصلى
بحاول اهرب فيها
استهدى بالله وروقى واستغفريه
كله بيعدى وان شاء الله خير
سلامتك يانوسه ايه بس مالك مودك مش عاجبني من بعد الامتحانات
انا عارفه اني موضوع العباره ده هز قلوب الناس اللي في جوه قلوبهم رحمه
ربنا يصبر اهالي الضحايا وحسبي الله ونعم الوكيل في الظالم :(
موضوع الفحص ده منهم لله انا سمعت عنه من فتره وانا اصلا عمري ماكشفت في مستشفي حكومي مستشفي حكومي ايه بس حرام عليهم
ربنا يسترها بأه لما يجي وقتها :(
تحياتي ليكي واتمناكي احسن من كده بكتير :)
دمار يا مصر
ايه بس الللي مزعلك
ده حتي مهنتكو دي سهلة اوي
هو انتو بتاخدو في الكلية الفرق بين الضرس والسنة والناب
وازاي تدو بنج وكده
نوسه طمنينى عليكى
رمضان جاى استعدى ليه
ابعدى عن المشاكل
نوسه فينك ياقمر طمنينا عليكي
كل الغيبه دي عشان اخوكي بيتجوز
امال لما تتجوزي انتي هتغيبي علينا قد ايه ؟؟؟؟؟؟؟؟؟؟
وحشتيني اوي بجد ووحشني كلامك اللي زي السكر :)
بسم الله الرحمن الرحيم
يقوم مجموعه من المدونين وانا من ضمنهم بتكوين رابطه لانقاذ ومساعدة اطفال الشوارع
التفاصيل كلها هنا
http://awraqwasrar.blogspot.com/
يسعدنا انضمامكم
Post a Comment