بما انك ياحبيبى جيتلى فى عيد ميلادى
وبما ان عيد ميلادى فى اول الشهر
وبما انك لظروف خارجه عن ارادتك جيت بعد عيد ميلادى ب 6 ايام
وبما ان عيد الحوب جه بعد عيد رؤياك ب 8 ايام بس
وبما ان المسموح لينا - بقرار ماى فاذر وظروفك ياحبيبى - اننا نشوف بعض مره واحده فى الشهر
اونلى مره فى الشهر
لذا ولكل هذه الاسباب لن اراك فى عيد الحوب
مش هتجيلى الكليه والعيال صحابى يقعدوا يقولولى ايوووه ياعممممم
مش هتعزمنى على كشرى - ايوه كشرى فى عيد الحب لانه الاكله المفضله ليا- ونحلى برز بلبن وفطيره باللحمه
ايوه بنحلى بفطيره باللحمه
مش هنروح السلامليك اللى بتقعد تتريق عليه انه دايما نلاقيه فاضى اوى
واقولك ماهو ده احلى حاجه فيه عشان استفرد بيك ويبقى الجو رومانسى
وتضحك اوى وتقولى ايه الجرأه دى يازعيمة العصابه
مش هنروح كابتشينو وناكل سندوتشات فاهيتا
مش عارفه ليه ياحبيبى ببقى وانا معاك نفسى مفتوحه وممكن اكل فيل
وبحس انى بخليك تروح وانت مفلس
يمكن عشان بتأكلنى بايدك بسرعه وخطف كده قبل ماحد يشوفنا عشان بتكسف
يمكن لان وشك حلو اوى ياحبيبى وبيخلينى احب الدنيا واحب كل حاجه فيها
حتى الاكل اللى احيانا مببقاش طايقه سيرته
يمكن لانى مجرد مابشوفك بيروح منى اى خوف او توتر او قلق او او او .. وببقى مطمنه اوى فباكل براحتى
حبيبى بتهيالى لما نتجوز ان شاء الله هتخن جدا لانى هاكل بافترا طالما هتاكل معايا
حبيبى المره الجايه لما اشوفك ان شاء الله ناكل سمك بقى وجمبرى وحاجات كده
حبيبتك المفجوعه :)
7 comments:
عيد الحوب ؟ يا ستى معلش خليها عليكى المرة دى وابقى عدى علي المدونة عندى شوفى موضوع عيد الحوب ده
مرة واحدة فى الشهر ؟؟ ربنا يخليك يا عم محمد ليا والله وربنا يكون فى عونكم يا نوسة
ياستى وماله لماتاكلى براحتك الف هنا طالما المرة الوحيدة اللى بتشوفيه فيها بتبقى اول الشهر :))
نوسه ..
انا عرفت اني الاحتفال بالفالنتين حرام
ياخبر يانوسه كل شهر الله يكون في عونك مش بقولك لو كنت مكانك كنت خطفته
هههههههههههههههههههههه
بالف هنا الاكل ياقمرايه وياااااااااارب تتخني وانا كمان يااااااااارب :))
سلام
عيشي ايام خطوبتك بالطول والعرض هي دي احسن ايامك بس ماتخليش الحب يعمي عينيكي عن اساسيات ماينفعش تتنازلي عنها بعد كدة
لان وقت الخطوبة كله حب في حب لكن الجواز الحب بيقل تأثيره وبتبدأي تشوفي الامور علي حقيقتها وتشوفي العيوب كلها قدام عينيكي واعرفي ان الحب علاقة بين 2 اما الجواز فهو علاقة بين اسرتين
وسلامي
هههههههههه
هوه ده الحب اللي يفتح النفس
ربنا يهنيكم ببعض يا رب
الكلام ده بجد ؟؟؟ ولا إيه ....
حلو لما يكون الموضة كلااام عن الحـب ... يمكن عشان الفالانتاين
إيه التناقـض ...ده ؟؟؟؟
****************** تحياتي
هههههههههه
تدوينة دمها خفيييييييييف بشكل
ومعناها جميييييييييييل بشكل
بس على فكرة باباكي ده عنيف أوي في خططه
و بعدين تحية عميقة جدا ليكي على حبك للكشري .. و موضوع فطيرة باللحمة .. يلا الدنيا أذواق هههه
و على فكرة يوم فرحك حيبقي يوم اعلان الطوارئ عند الافيال
سلام
فووكس
انا عديت يافندم ومعلش اتاخرت فى الرد على التعليق هنا اصل الدراسه بدات بقى وبروح الكليه اكل اصدى احضر محاضرات :)
شوفت بقى انى غلبانه انا وخطيبى :(
هيا مره واحده:(
يلا ربنا يقرب البعيد بقى
ياااااارب:(
نورررتنى يافوكس
---------------------------
اينووووو
افهم من كده ان فوكس مش هيجيبلك هديه :(
انا بهدى النفوووس :)
هههههههههههههههههههههههههههههه
بهزر بهزررر ربنا يسعدكم ياااااااااااااااااااااااااااااااااااااااااااااارب
نورررتينى يانووووسه وياااارب نتخن :)
-----------------------------
انا وهىى
انا فاهمه كلامك على فكره
ربنا يستر ويعديها من غير مشاكل
ولو انى ساعات بحب خصامه عشان بيصالحنى بطريقه حلوه :))
نوررررررتينى
------------------------------
احمد سلامه
ربنا يخليك يااااااااااارب
ونورررتنى بالزياره دى
-------------------------------
ابراهيم معايا
اه الكلام ده بجد
:)
مش فاهمه تقصد تناقض ايه؟
:)
نورررتنى بالزياره دى
----------------------------------
مصطفى محمد
ههههههههههههههههههههههه قصدك ايه بقى ؟؟؟؟؟؟
انى يوم فرحى هاكل اكتر من فيل :(
ممكن اكتفى بفيل واحد بس على فكره :))
نورررررتنى يامصطفى
Post a Comment