سمسمه بنت خالتى: نوسه انا كملت ال20 ولسه متخطبتش هو انا كده عنست؟؟
نوسه:لالا لسه بدرى متقلقيش ادامك فرصه لحد سن ال35 كده
سمسمه: فال الله ولافالك ياشيخه حرررام عليكى
نوسه:بهنزززر ياسمسمه..انتى لسه صغيره اوى يابنتى وبعدين انتى مش بتقولى خلاص احمد ابن خالو هيخطبك؟
سمسمه: متجيبيش سيرررته..ده قرفنى فى حياتى...بيتصل كل نص ساعه يقولى انتى فين؟ واقفه مع مين ؟بتعملى ايه؟وبيشتمنى من دلوقتى
نوسه: ياسلام هيا حصلت شتيمه
سمسمه: اه والله ده ماما بهدلته قالتله ده احنا لسه موافقناش وبتشتمتها امال لما تتجوزوا هتضربها ولاايه؟
نوسه: ماهو خالتو عندها حق...بس مش جايز ياسمسمه يكون بيهزر يعنى؟
سمسمه:ميهزرش معايا كده
يهزر مع اى حد بالاسلوب ده الا انااااااا..ده انا الحب الحب يعنى المفروض يبقى رقيق جنتل كده مش متشرد...انا كنت راضيه بس عشان ابن خالى وماما قالت هيحافظ عليا وكده
نوسه: هيحطك فى التلاجه يعنى عشان متحمضيش...نيهاهاهاهاهااا
سمسه:نوووسه
نوسه: خلاص خلاص
طب يعنى انتى اصلا مبتحبيهوش ؟واخداه احتياطى مثلا
سمسمه: مش احتياطى بالظبط..بس اهو كان عصفور فى اليد.. وانا مش عارفه كنت بحبه ولالا بصراحه
نوسه:يعنى مش مهم تحبى اللى تتجوزيه؟
سمسمه:ياستى مفيش احسن من الجواز التقليدى بتاع ايام زمان.. شباب الايام دى مش مضمونين اساسا
نوسه: ماشى هو انا بقولك انحرفى وحبى واد روش وروحى معاه السينما يعنى ..انا بقولك على الاقل طالما هتتخطبى لواحد يبقى لازم تحبيه
سمسمه:بصى سيبك من موضوع الحب والعواطف والاغانى ده.. اهم حاجه يكون مركز اجتماعى وماديا كويس.. نفسى اتجوز واحد من بتوع جيل المستقبل دول ..ياسلااااام كده ويكون عنده عربيه وفيلا على النيل ويكون بيلبس بدله حتى وهو قاعد فى البيت
نوسه:وماله ياحبيبتى مش عيب
سمسمه:بصى خديها منى حكمه مع انى اصغر منك ..خدى اللى يحبك ومتاخديش اللى تحبيه
شايفه عشان انتى بتحبى خطيبك لما بتتخانقوا بتبقى عامله ازاى؟لااكل ولاشرب وعياط وبتتحولى لشبح
لكن لو مش بتحبيه ولاهيهمك
نوسه: طب ولما محبوش اتجوزه ازاى يعنى ونعيش مع بعض طول العمر ازاى؟ وبعدين انا مش بقولك حب زى قيس وليلى ولا عنتر وعبله..على الاقل فى موده ورحمه واحترام متبادل ..مش هتتجوزى مكنه بتطلع فلوس يعنى
سمسمه: مش عارفه بس انا عند رايى لو هو اللى حبنى اكتر هيدلعنى والعكس صحيح.. وانا معنديش استعداد ادلع حد
نوسه: بت قومى من هنا اجررى عصبتينى ... هو انتى فاكره الجواز ايه ؟ ده حياه كامله يابنتى ..مشاركه ..مسؤليه .. كل ده من غير حب هيتنفذ ازاى بقى ؟؟؟؟
بت انتى عيله ومخك فاضى امششىى من جنبى خلينى اذاكر
15 comments:
حوار جميل جدا فى عالم الانسات زوجات المستقبل بعد اذنك حاخلى ابنى يقرأ الحوار ده عشان ياخد فكره عن اللى منتظره لما يقرر الزواج
لاااااااا انا مش مع سمسمه خالص فى كلامها ده يا ننوسه يعنى ايه فيلا وبدله وقطه ايه ده لا الحب والاحترام معلش بقى المظاهر اخرتها وحشه صدقينى عن تجربه ربنا معاكى فى الامتحانات
ابى عندها حق على فكرة
بس
بوصى يا نوسه
انا ان شاء الله
مش شرط تكون قصه حب وكدا قبل الخطوبه
بس على الاقل احب خطبيبى
والا مش هتجوزة اصلا
لان لازم الحب لاستمرار الحياة
والبوست باعتك حلو اوى
انا اول مررة ادخل هنا
بس هتابع معاكى على طول
وان.. حوار البدلة في البيت ده جامد آخر حاجة
تو.. ليه البنات بيحسوا ان الشباب مش رجاله .. و الشباب بيحسوا ان البنات معدوش بنات؟
ثري.. ذاكري ذاكري .. اهو ده اللي جايبنا كلنا ورا.. لو كنت صايع كان زماني حاجات كتيير
نوسة
بعد اذنك
انا عايز الميل بتاعك
ابعتيلي.. أنا
mostafa.mohamed.85@gmail.com
بقولك ايه دبستك فى تاج على الماشى تعالى خديه بس مكتبتش اسمك علشان خفت تكونى مش بتحب مجلش الشوعب المرجانيه
استاذ راجى
ياخبررر ابيييض يعنى حضرتك عندك ابن على وش جواز
وسايبنى اقول راجى كده من غير اى القاب
والله ماكنت اعرف اصل كمان سن حضرتك مش مكتوب فى البروفايل
انا اعتذر بشششششده والله العظيم
وطبعا ابن حضرتك ممكن يقرا الحوار ياافندم
------------------------------
آآبىىى حبيبتى
وانا كمان مش معاها وكنت هضربها قلمين اطلع عليها كبت الامتحانات بس مسكت نفسويتى
ادعيللللىىىىىىىى فى الامتحانات
-----------------------------
مرووووه حبيبتى
طبعا عندها حق وانتى عندك حق
البت دى لازم تنضرب
-------------------------------
همسسسسه
اسمك جميل ياهمسه
وطبعا كلامك صح جدااا وربنا يوفقك ياارب
نورتينى وتشرفينى ياقمر بمتابعتك للمدونه
--------------------
مصطفىى
وان.. اه جديده لانج بس اصلها بتحب جمال مبارك وبتحب بدله اووى
تو..البنات بتحس ان الشباب مش رجاله عشان فى قله مندسه بينكم بتسوأ سمعتكم
شباب بيعاكس..شباب منحرف.. شباب ملوش هدف غير انه يكلم بنات وهكذا
بالنسبه للشق التانى بقى .. ليه الشباب بيحسوا ان البنات معادوش بنات؟؟
هما بيحسوا كده بجد؟؟ يالهوووى
طب انت جاوب عليها بقى عشان انت تعرف اكتر منى
ثرى... اه وربنا دايما اقول لو كنت مخلصه اى تعليم والسلام كان زمانى عايشه حياتى مش شرط صياعه بس كان ممكن اخرج مع صحابى
اكل ايس كريم فى البرد
اتمشى على النيل .. كانت تبقى عيشه فل
---------------------------
مصطفىى
بالنسبه للايميل :
انت كاتب الايميل صح متأكد؟
اصل المفروض يبقى
mostafa.mohamed.85@hotmail.com
او @yahoo.com
انا معرفش
gmail.com دى
عامة الايميل بتاعى اهو :
moshmwgoda@yahoo.com
آآبىىى حبيبتى
حاضر من عونيا الاربعه بس كده انتى تؤمرى
السلام عليكم
انتي وسمسمه زي العسل والله :))
بس انا مع رئيك جدا جدا
ربنا يخليكم لبعض وتفضلي معاها وتعقليها كده :)
اول مره اجي هنا بس مدونه عسوله خاااااااالص
علي فكره انا اسم الدلع بتاعي زيك ومش بتنده غير بيه :))نـــــوســـه
eno
وعليكم السلام ورحمة الله وبركاته
ربنا يخليكى يارب ده بس من ذوقك
والمدونه حلوه عشان انتى زورتيها يانووووسه :)
وانتى كمان عسوووله خالص ياقمر
نورررتينى ياجميل :)
فعلا بقت حاجة ملحوظة حالة الهلع اللي عند بعض البنات من العنوسة، حتى عند بنات لسه في الجامعة
الحياة مش مستاهلة الهلع ده، فيه حاجات تانية مهمة برضو في الحياة غير العريس يا جماعة
:)
نوسة
في برضة فئة مندسة من البنات
ولكن اعتقد انها كترت اويييي
الهم الأكبر لديهن
كيفية ابراز اجسادهم
والدماغ خواء
و الشخصية مفيش
لكن برضه ده مش تعميم
بالنسبة للأيس كريم في البرد
اهئ اهئ اهئ اهئ
كفاية علااااااام
حرااااااام
على فكرة
gmail
هو الميل بوكس اللي تبع جوجل
سلامات
عبدو باشاا
طبعا فى حاجات مهمه غير العريس
الجواز مثلا
لالا اقصد اسعار الحاجات اللى بتغلى دى
الصينى السجاد الاجهزه الكهربائيه
بردو كل حاجه مرتبطه وتنصب فى بوتقة العرييييس ياعبد الرحمن
بدون عريس هنبقى سوووو ساااد بجد
---------------------------------
مصطفىىى
اوكى انا معاك فى وجود الفئه المندسه دى
بس مين السبب؟
مش انتوا؟؟
انتوا اللى بتفرضوا عليهم شكل معين بتحبوه فبيعملوه عشان يعجبوكم
طبعا هو غلط
بس فى بنات بتفكر كده
طالما هما بيحبوا كده يبقى نعمل كده
امممممم بالنسبه للايميل
انت مفهمتنيش بردو يعنى ايميلك ينفع ينضاف على الياهو؟:(
السلام عليكم ورحمة الله وبركاته
هههههههههههههههههه
بجد فى كلام زى دا بيحصل حقيقى بين البنات
انا كنت بحسب الكلام دا افلام بس
يعنى اللى بتفكر فى شاب كدة زى سمسة
هتلاقيه فين
دا الشباب اللى هو شباب والمعتمد على نفسه وشخصيته تفتح بيت مستقر
مش معاه حق بدلة يخرج بيها
طبعا من شغله مش من بابا
يعنى اللى زى سمسمة
هتتجوز وتعيش دايما تتطلع للافضل
لاءة طبعا زى ما انتى قولتى رايك
دى مش حياة
بس هى مش تستاهل المين
لاءة
دى تستاهل علقة
وجمدة يمكن تفوق وتبص للى حوليها
شباب كدة مستنى بس جواب التعين
وانتى ربنا يوفقك يا جميل
وتحققى الحياة اللى انتى تتمنيها
ان شاء الله
سلااااااااام
Post a Comment