عمرو اديب

اسلوبه مختلف فى عرض المواضيع
مرح
تلقائى
عنده كاريزما
الناس بتستنى البرنامج بتاعه
وانا منهم
ولككككككككككككككن
معجبنيش كلامه ابدا النهارده بعد تقرير كفر العلو
السخريه والمرح مش فى كل الاوقات ياعمرو

اول نقطه

(كل واحد فى مصر عنده دوسيه )
ده كلامه اللى قاله بقمة المرح بصراحه عشان يضحكنا
بس انا مضحكتش
اااه كل واحد فى مصر عنده دوسيه
عارف ليه؟؟
عشان احنا فى بلد بيروقراطى لا يعترف الا بالاوراق
لو واحده ست عيانه وبتموت وعاوزه اجازه من شغلها هيقولوها هاتى ورقه تثبت عشان نمضيلك اجازه
عشان كده لازم يبقى معانا كلنا دوسيهات
اوراق واوراق واوراق
شهادات ميلادنا
بطايقنا ولازم تبقى الرقم القومى ..الورق متنفعش
شهادات نجاح
شهادات وفيات
عشان اطلع كارنيه فى مكتبة المحافظه لازم املى استماره ويضمنى اتنين موظفيين
عشان الحكيمه ترضى تدينى بنج وحقنه للمريضه اللى بعالجها لازم اديها التذكره بتاعتها
كلله بالورق ياسيدى الفاضل


تانى نقطه بقى

كلامك عن الاخوان كان غريب بجد
بتتريق على كلمة اخى الفاضل واحنا اخوه واسلوب الاخوان فى الكلام وان الاخوان بيساعدوا الناس وكده لما بيلاقوهم فى مشكله؟؟
قصدك انهم بيصطادوا فى الميه العكره؟
انا جايه اهدى النفوس صح
انا مش بضرب اسفين على فكره ومش بولع المواضيع ولابكبرها
بس اللى وصلنى من كلامك انك فعلا بتتريق
مع انهم بيعملوا اللى الحكومه مش بتعمله
بيساعدوا الناس الغلابه
وبتهيألى مش عيب يعنى
بالنسبه لطريقتهم فى الكلام
اخى الفاضل
اختى الفاضله
بتهيالى كلامهم راقى ومحترم
مش احسن من كلمة مزه؟ ومز؟؟
اممممممم انا مبعملش اعلان للاخوان ولا برشحهم ولا مدفوعلى يعنى
وانا مش اخوان _لو ينفع اقول كده يعنى_ مع انها مش تهمه
بس الكلام غاظنى ومعرفش كل واحد يطلع يتريق عليهم ليه؟

عفوا ياعمرو بس مقدرتش اكمل الحلقه

نقطه تالته نسيت اقولها وكانت ليها يد انى مكملتش الحلقه
معجبنيش الكرافت بتاعك خاااالص النهارده ياعمرو